Tramp Zelenskıımen kezdeser aldynda Pýtınmen sóılesti
ASTANA. KAZINFORM — AQSh prezıdenti Donald Tramp Truth Social áleýmettik jelisindegi paraqshasynda Reseı prezıdenti Vladımır Pýtınmen telefon arqyly sóıleskenin habarlady.
— Men jańa ǵana Ýkraına prezıdenti Vladımır Zelenskıımen saǵat 13:00-de ótetin kezdesý qarsańynda Reseı prezıdenti Vladımır Pýtınmen telefon arqyly tildestim. Aramyzda jaqsy ári óte nátıjeli áńgime órbidi. Kezdesý Mar-a-Lago rezıdentsııasynyń basty ashanasynda ótedi. Baspasóz ókilderiniń qatysýyna ruqsat etiledi. Osy máselege nazar aýdarǵandaryńyz úshin rahmet, — dep jazdy AQSh prezıdenti.
Buǵan deıin Donald Tramp jaqyn arada Reseı prezıdenti Vladımır Pýtınmen sóılesýdi josparlap otyrǵanyn málimdegen bolatyn.
Eske salaıyq, aldaǵy saǵattarda Vladımır Zelenskıı men Donald Tramptyń kezdesýi ótedi. AQSh prezıdenti Ýkraınanyń kóshbasshysyn Florıda shtatyndaǵy kýrortty Palm-Bıch qalasynda ornalasqan Mar-a-Lago rezıdentsııasynda qabyldamaq.