Tramp Zelenskıımen 17 qazanda kezdesýi múmkin
ASTANA. KAZINFORM — AQSh prezıdenti Donald Tramp Vladımır Zelenskııdi 17 qazanda Aq úıde qabyldaıtynyn rastady. Bul týraly ol Sharm-el-Sheıhten Vashıngtonǵa bet alǵan ushaqta jýrnalıster aldynda sóılegen sózinde aıtty, dep habarlaıdy TASS.
Tramp 17 qazanda Zelenskıımen kezdesýge nıeti bar-joǵy týraly suraqqa jaýap berdi.
— Meniń oıymsha, solaı, — dedi Aq úı basshysy basqa eshqandaı málimet bermeı.
Sondaı-aq ol Ýkraınaǵa amerıkalyq «Tomahawk» zymyrandaryn jetkizý múmkindigi týraly suraqqa jaýap berýden bas tartty.
Buǵan deıin brıtandyq Financial Times gazetiniń jýrnalısi X áleýmettik jelisinde Tramptyń Zelenskıımen 17 qazanda Vashıngtonda kezdesýi múmkin ekenin jazǵan. Ol ótken demalys kúnderi Tramp pen Zelenskıı telefon arqyly sóıleskenin, áńgime barysynda olar Ýkraınaǵa amerıkalyq «Tomahawk» zymyrandaryn jetkizý máselesin talqylaǵanyn eske saldy. Jýrnalıst sonymen qatar osy aptada ýkraınalyq delegatsııanyń Vashıngtonda amerıkalyq áriptesterimen birqatar kelissózder ótkizý josparlanǵanyn atap ótti.
Eske salaıyq, eki el prezıdenti BUU Bas Assambleıasynyń 80-sessııasy aıasynda Nıý-Iork qalasynda kezdesken edi.
Sondaı-aq Zelenskıı Tramptyń Gaza josparyn «tarıhı» dep atady.