Tramp Zelenskıı týraly: bir-birimizdi burynnan bilemiz, arada kelisim bar

ASTANA.KAZINFORM  — Ýkraına prezıdenti Vladımır Zelenskıı men AQSh prezıdenti Donald Tramptyń kezdesýi Aq úıde ótip jatyr.  

— Ýkraına prezıdenti Zelenskııdi qabyldaý úlken mártebe. Biz kóp jumys jasadyq jáne bir-birimizdi kópten beri bilemiz, — dedi Zelenskıımen kezdesý barysynda Donald Tramp.  

AQSh prezıdenti «Bizde ádil kelisim dep ataýǵa bolatyn dúnıe bar» dedi paıdaly qazbalardy  óndirý týraly negizdemelik kelisimdi meńzep. 

— Reseımen óte jaqsy kelissózder júrgizdik, men prezıdent Pýtınmen sóılestim. Biz soǵystyń toqtaǵanyn qalaımyz ári bul baǵytta jumys isteıtin bolamyz, — dep málimdedi Tramp.

AQSh prezıdenti Zelenskııdiń generaldary men sarbazdaryn qurmetteıtinin aıtyp, ol jaýyngerlerin maqtan tutýy tıis ekenin meńzedi. Biraq endi soǵystyń aıaqtalǵanyn qalaıtynyn, bul qasiret jetkilikti ekenin jetkizdi. 

Eske sala keteıik, Aq úıde Tramp pen Zelenskııdiń kezdesýi ótip jatyr.