Tramp Zelenskıı men Pýtındi kelisimge shaqyrdy

ASTANA. KAZINFORM – AQSh prezıdenti Donald Tramp Aq úıde Ýkraına prezıdenti Vladımır Zelenskıımen ótkizgen kelissózderinen keıin oǵan da, Reseı prezıdenti Vladımır Pýtınge de kelisim jasaý qajettigin aıtqanyn málimdedi. Bul týraly ol Truth Social jelisindegi jazbasynda habarlady, dep jazady Kazinform agenttigi.

Jelidegi postyn Tramp Zelenskıımen kezdesý «óte qyzyqty ári jyly» ótkenin baıandaýdan bastaıdy.

– Biraq men oǵan da, prezıdent Pýtınge de adam óltirýdi doǵaryp, kelisimge keletin ýaqyt jetkenin aıttym! Qan aıtarlyqtaı tógildi, menshiktiń shekaralary soǵys pen erik-jiger arqyly anyqtalady. Olar qazirgi turǵan tusta toqtaýy kerek.

Eki tarap ta jeńiske jetsin, tarıh ózi tóresin aıtady! Atys toqtasyn, endi ólim bolmasyn, endi aýyr ári sheksiz shyǵyndar bolmasyn. Men prezıdent bolǵanda, bul soǵys múlde bastalmas edi. Aptasyna myńdaǵan adam qaza taýyp jatyr — jeter, úılerińizge, otbasylaryńyzǵa beıbit oralyńyzdar! – dep jazdy Donald Tramp óz jazbasynda.

Eske sala ketsek, buǵan deıin AQSh prezıdenti Donald Tramp pen Ýkraına prezıdenti Vladımır Zelenskıımen Aq úıde kezdeskenin jazǵanbyz.