Tramp ıadrolyq soqqyny birinshi bolyp jasaý quqyǵynan aıyrylmaq
ASTANA. QazAqparat - AQSh Kongresine «ıAdrolyq qarýdy birinshi bolyp qoldanýǵa shekteý týraly» zań jobasy engizildi.
Ol AQSh-tyń osyndaı qarýǵa ıe ózge memlekettermen ıadrolyq janjal qaýpin tómendetýge baǵyttalǵan, dep habarlaıdy QazAqparat.
«Bul zań Kongress soǵys jarııalamaı turyp, prezıdentke ıadrolyq soqqyny birinshi bolyp jasaýǵa tyıym salatyn bolady. «Birinshi bolyp bastaý» problemasy Donald Tramp ıadrolyq soǵysty kez kelgen ýaqytta bastaı alatyn qazirgi ýaqytta qaıta mańyzdy bola tústi», - delingen zań jobasynyń avtory senator-demokrat Edvard Markıdiń málimdemesinde. Bul týraly «RIA Novostı» agenttigi habarlap otyr.
Markıdiń atap ótýinshe, qazir AQSh prezıdentinde ıadrolyq qarýdy birinshi bolyp qoldaný quqy bar. Onyń sózinshe, Tramp lańkestermen kúresý úshin bul múmkindikti qoldana alatyndyǵyn aıtyp ta úlgergen.
«ıAdrolyq shabýylǵa jaýap retinde ǵana bolmasa, prezıdent Trampqa bolsyn, ózge prezıdentke bolsyn ıadrolyq qarýdy qoldanýǵa ruqsat etilmeýi tıis», - deıdi ol.
Kongresmen sondaı-aq, Tramptyń ınaýgýratsııaǵa deıin jasaǵan «urandy málimdemelerine» alańdaýshylyq bildiretinin aıtyp ótti.
