Tramp Vensti AQSh vıtse-prezıdenti laýazymyna taǵaıyndalýymen quttyqtady
ASTANA. KAZINFORM - AQSh saılaýynda jeńiske jetken Donald Tramp 39 jastaǵy Djeı Dı Vensti vıtse-prezıdent qyzmetimen quttyqtady.
Ogaıo shtatynyń burynǵy senatory, 39 jastaǵy Dj. D. Vens AQSh-tyń vıtse-prezıdenti bolady.
AQSh vıtse-prezıdentine úmitker retindegi alǵashqy sózinde Vens Tramppen birge «Amerıkany qaıtadan uly el etýge» ýáde berdi.
Ol sondaı-aq eldiń sheteldik jumys kúshi men energııaǵa táýeldiligin toqtatýǵa, sondaı-aq áskerı kómekti qaıta qaraýǵa ýáde berdi.
- Biz birge odaqtastarymyzdyń álemdegi beıbitshilikti qamtamasyz etý aýyrtpalyǵyn bólisetinine kóz jetkizemiz. Amerıkalyq salyq tóleýshilerdiń jomarttyǵyn teris paıdalanatyn elder úshin endi eshteńe tegin bolmaıdy, - dep atap ótti Vens.
Esterińizge sala keteıik, Ogaıo shtatynyń senatory Dj.D. Vens Respýblıkalyq partııanyń Ulttyq konventsııasynda AQSh vıtse-prezıdentine kandıdatýrasyn resmı túrde moıyndaǵan bolatyn.
Osyǵan deıin Donald Tramptyń AQSh-taǵy prezıdent saılaýynda jeńiske jetkenin jazdyq.
