Tramp Venesýelany AQSh-tyń «51-shi shtaty» dep atady
ASTANA.KAZINFORM - AQSh prezıdenti Donald Tramp Truth Social áleýmettik jelisindegi paraqshasynda Amerıka týymen tústes Venesýela kartasyn jarııalap, astyna «51-shi shtat» degen jazba qaldyrdy.
11 mamyrda Aq úı basshysy Fox News arnasyna «Venesýelany AQSh-tyń 51-shi shtaty etýdi qarastyryp jatqanyn» aıtqan bolatyn.
Tramp málimdemesiniń naqty máni áli tolyq anyqtalǵan joq. Osydan keıin Venesýela prezıdentiniń mindetin atqarýshy Delsı Rodrıges tilshilerge bergen suhbatynda óz eliniń AQSh-tyń 51-shi shtaty bolmaıtynyn aıtty.
Rodrıges Gaagadaǵy Halyqaralyq sotta óz eli men kórshiles Gaıana arasyndaǵy keń ári mıneral men munaıǵa baı Essekıbo aımaǵyndaǵy daý boıynsha tyńdaýlardyń sońǵy kúninde sóz sóıledi.
- Biz óz tutastyǵymyz ben egemendigimizdi, táýelsizdigimizdi, tarıhymyzdy qorǵaýdy jalǵastyramyz. Venesýela «otar emes, erkin el»,- dep málimdedi ol.
Esterińizge sala keteıik, 3 qańtarda Venesýelanyń burynǵy prezıdenti Nıkolas Madýro men onyń áıeli Sılııa Flores «Absolıýtti sheshim» operatsııasy aıasynda AQSh arnaıy kúshterimen tutqynǵa alyndy. Olar aldymen Venesýeladan Gýantanamo shyǵanaǵyndaǵy AQSh áskerı-teńiz bazasyna, keıinirek Nıý-Iorkke jetkizildi. Madýro jáne onyń áıeliniń qatysýymen ótken alǵashqy sot otyrysy 5 qańtarda ótti.
Buǵan deıin AQSh prezıdenti Ormýz buǵazyn «Tramp buǵazy» dep «qaıta ataǵan» bolatyn.
