Tramp Venesýela prezıdentimen kelissóz júrgizýi múmkin

ASTANA. KAZINFORM – AQSh Tramp ákimshiligi Venesýela prezıdenti basqarady dep málimdegen «Kartel de los Solesti» sheteldik lańkestik uıym dep tanýdy kózdep otyr, dep habarlaıdy CBS News. 

AQSh Memlekettik hatshysy Marko Rýbıo bul týraly jeksenbi kúni keshke málimdedi. «Kartel de los Solesti» sheteldik lańkestik uıym dep taný týraly sheshim 24 qarashadan bastap kúshine enedi. AQSh Memlekettik hatshysy karteldi Venesýela prezıdenti Nıkolas Madýro jáne «Madýronyń zańsyz rejıminiń basqa da joǵary laýazymdy sheneýnikteri» basqaratynyn málimdedi.

Prezıdent Donald Tramp jeksenbi kúni keshke: «Biz Madýromen kelissóz júrgizip, onyń qalaı aıaqtalatynyn kóremiz. Olar sóıleskisi keldi», - dep habarlady.

AQSh Madýronyń AQSh-qa esirtki kontrabandasymen aınalysatyn qarýly qylmystyq toptarmen baılanysy bar dep sanaıdy. Venesýela prezıdenti bul aıyptaýdy joqqa shyǵardy. Sońǵy eki aıda AQSh áskerı kúshteri olardyń sendirýinshe Ońtústik Amerıkadan AQSh-qa esirtki tasymaldap bara jatqan 22 kemege shabýyl jasady, saldarynan 83 adam qaza tapty.

Amerıkalyq saıasatkerlerdiń málimdemeleri AQSh-tyń ushaq tasymaldaýshy kemeleri Karıb teńizi aıdynyna engennen keıin jasaldy.

«Djerald Ford» áýe tasymaldaýshysynda ondaǵan joıǵysh ushaq ornalasqan. Ekıpaj ben ushý personalynyń jalpy sany 4,5 myńnan asady. Kemeni zymyrandy joıǵysh kemeler men ózge de áskerı jáne qoldaýshy kemeleri bastap júr.

Óz kezeginde Venesýela seısenbi kúni búkil el boıynsha aýqymdy áskerı jattyǵýlardyń bastalǵanyn jarııalady. Keıbir málimet boıynsha, oǵan shamamen 200 myń áskerı qyzmetshi qatysady.

AQSh-tyń «Djerald Ford» ushaqtasyǵyshy Karıb teńizinde qandaı operatsııa júrgizetinin myna materıaldan oqı alasyz.