Tramp Vashıngtonda tótenshe jaǵdaı engizemin dep qorqytty

ASTANA. KAZINFORM – AQSh prezıdenti Donald Tramp qajet bolǵan jaǵdaıda el astanasy Vashıngtonda tótenshe jaǵdaı rejımin engizetinin aıtty, dep habarlaıdy Anadoly.

Bul málimdemeni AQSh prezıdenti Astana meri Mıýrıel Boýzerdiń AQSh-tyń ımmıgratsııa jáne keden polıtsııasymen yntymaqtastyqta jumys isteýden bas tartqanynan keıin jasady.

Aq úı basshysy Truth Social áleýmettik jelisinde óziniń jetekshiligimen federaldy úkimet el astanasyn jaılaǵan qylmystyq tártipsizdikke aralasyp, sonyń saldarynan Kolýmbııa okrýgi birneshe aptanyń kóleminde AQSh-tyń, tipti álemniń eń qaýipti jáne kisi ólimi kóp bolatyn aımaqtarynyń birinen eń qaýipsiz jerge aınalyp shyǵa kelgenin jetkizdi.

- Jyldar boıy osy zorlyq-zombylyq pen qylmysqa tózip otyrǵan qala meri Mıýrıel Boýzer bolsa, federaldy úkimetke Astana polıtsııasynyń qaýipti, zańsyz sheteldikterdi elden shyǵarý isinde ımmıgratsııa jáne keden qyzmetimen birlesip jumys istemeıtinin aıtady. Eger men buǵan jol beretin bolsam, onda qylmystyq álem kúsh alyp, jańa qarqynmen qaıta keledi. Men buǵan jol bere almaımyn. Eger qajet bolsa men tótenshe jaǵdaı rejımin jarııalaımyn, - dedi Tramp.

Osyǵan deıin Tramptyń Izraılge Qatar máselesinde saq bolý kerektigi týraly aıtqanyn jazdyq.