Tramp ushaǵy Florıda shtatynda basqa ushaqpen soqtyǵysty

ASTANA. KAZINFORM – AQSh-tyń burynǵy prezıdenti Donald Tramptyń ushaǵy Ýest-Palm-Bıch (Florıda) áýejaıynda basqa ushaqpen soqtyǵysty. Bul týraly seısenbide Reuters habarlady, dep jazdy TASS aqparat agenttigi. 

Onyń aıtýynsha, halyqaralyq áýejaıda Trampqa tıesili Boeing 757 ushaǵynyń qanaty basqa ushaqty soqqan. Atap ótilgendeı, oqıǵa jeksenbi kúni bolǵan.

Buǵan deıin Boeing Alaska Airlines áýe kompanııasyna qańtarda Boeing 737 MAX ushaǵymen bolǵan oqıǵadan keıin shyǵyn úshin ótemaqy retinde 160 mln dollar tólegen. Onda áýe laıneri sańylaýdyń paıda bolýyna baılanysty kóp uzamaı shuǵyl qonyp, fıýzelıajdyń bir bóligin joǵaltty.

Qańtar aıynda Boeing 737 MAX ushaǵyndaǵy tótenshe jaǵdaıdan keıin Federaldyq avıatsııa basqarmasy (FAB) ushaqtardyń osy túrin paıdalanýdy jáne olardy tekserýdi ýaqytsha toqtatýǵa buıryq berdi. Tekserý jumystary alty aptaǵa sozyldy jáne ushaq fıýzelıajyn shyǵaratyn Boeing jáne Spirit AeroSystems kompanııalaryna áser etti.

The New York Times-tiń naýryz aıynda habarlaýynsha, Boeing FAB tekserýleriniń 89-ynyń 33-nen óte almaǵan.