Tramp Úndistanǵa qatysty tarıfterdi «aıtarlyqtaı» arttyrýdy josparlap otyr
VAShINGTON. KAZINFORM – AQSh Prezıdenti Donald Tramp Úndistanǵa qatysty tarıfterdi «aıtarlyqtaı» arttyrý nıeti baryn málimdedi. Ol Nıý-Delıdi Reseıden munaı satyp alyp, ony joǵary baǵamen qaıta satty dep aıyptady. Bul týraly Anadoly jazdy.

Truth Social áleýmettik jelisindegi jazbasynda Tramp Úndistannyń Reseıden kóp mólsherde munaı satyp alyp qana qoımaı, onyń bir bóligin ashyq naryqta úlken ústememen qaıta satyp jatqanyn aıtty.
– Sondyqtan men Úndistan AQSh-qa tóleıtin kedendik baj salyǵyn aıtarlyqtaı arttyramyn, – dep jazdy AQSh prezıdenti.
Ol sonymen qatar Úndistandy «Reseı Ýkraına aýmaǵynda qansha adamdy óltirgenine alańdamaıdy» dep aıyptady.
Buǵan deıin, ótken aptada Tramp Úndistan men Qytaıdy Reseı energııasynyń eń iri ımporttaýshylary dep atap, 1 tamyzdan bastap Úndistanǵa 25 paıyzdyq tarıf engiziletinin málimdegen bolatyn.
Aıta keteıik, buǵan deıin Tramp Medvedevtiń málimdemesinen keıin atomdyq súńgýir qaıyqtardy ornalastyrýdy buıyrǵanyn jazdyq.
Sondaı-aq, AQSh tarıfteri EO farmatsevtıkasyna qaýip tóndirip otyr.