Tramp Úndistan taýarlaryna 25% qosymsha baj salyǵyn engizdi

ASTANA. KAZINFORM – AQSh Prezıdenti Donald Tramp Úndistannan ákelinetin taýarlarǵa 25 paıyz kóleminde qosymsha baj salyǵyn engizý týraly jarlyqqa qol qoıdy. Qujat 6 tamyz, sársenbi kúni Aq úıdiń resmı saıtynda jarııalandy, dep jazady DW.

– Úndistannan ımporttalatyn, tikeleı nemese janama túrde Reseı Federatsııasynan munaı jetkiziletin taýarlarǵa qosymsha advalorlyq (ıaǵnı kedendik qunyna paıyzben belgilenetin – red.) baj salyǵyn engizý qajet ári oryndy dep esepteımin, – delingen jarlyqta. Bul shara 21 kúnnen keıin kúshine enedi.

Buǵan deıin, 31 shildede, Tramp Úndistannan ákelinetin ónimderge 25 paıyzdyq saýda ústemesin belgileıtin jarlyqty maquldaǵan bolatyn. Ol 7 tamyzdan bastap kúshine enedi.
Alǵashqy habarlar shyqqannan keıin Úndistandaǵy tórt memlekettik munaı óńdeý zaýyty Reseıden munaı satyp alýdy toqtatqanyn málimdegen edi. Alaıda túrli derekkózder Úndistannyń AQSh-tyń qysymyna qaramastan, reseılik munaıdy satyp ala beretinin habarlaǵan. Osyǵan baılanysty baj salyǵynyń jańa kezeńi engizilip otyr.

Aıta keteıik, buǵan deıin Tramp Úndistanǵa qatysty tarıfterdi «aıtarlyqtaı» arttyrýdy josparlap otyrǵanyn jazdyq.