Tramp Úndistan men Pákistandaǵy qaqtyǵysty sheshýge kómektesýge daıyn ekenin málimdedi

ASTANA. KAZINFORM — AQSh prezıdenti Donald Tramp Úndistan men Pákistan basshylyǵyna eki el áskerı kúsh qoldaný arqyly týyndaǵan shıelenisti eńserýge kómektesýge daıyn ekenin aıtty, dep habarlaıdy TASS.

Amerıkalyq kóshbasshy muny Aq úıde jýrnalıstermen suhbatynda rastady.

— Men olardyń toqtaǵanyn qalaımyn. Olar toqtaı alady dep úmitteneıik. Soǵan senemiz. Eger men kómektesý úshin birdeńe isteı alsam, sonda bolamyn, - dedi Tramp Nıý-Delı men Islamabad arasyndaǵy qarym-qatynastyń kúrt nasharlaýyna túsinikteme berip.

Tramp Úndistan-Pákistan qarym-qatynasyndaǵy shıelenisterge de toqtaldy.

— Bul qorqynyshty. Men ekeýimen de (eldermen) til tabysamyn. Men eki eldi de jaqsy bilemin jáne olardyń osy máseleni sheshkenin qalaımyn, - dep qosty prezıdent.

Kazinform agenttigine arnaıy TASS seriktes agenttigi usynǵan.

Eske sala ketsek, 22 sáýir kúni qarýly adamdar Djammý men Kashmır odaǵy aýmaǵyndaǵy áıgili týrıstik qala — Pahalgamda terrorlyq shabýyl jasaǵan bolatyn. Áskerı kıim kıgen adamdar avtomattarmen oq jaýdyrǵan, 25 úndi azamaty men 1 nepaldyq qaza tapty. Qylmyskerler oqıǵa ornynan qashyp úlgergen.

Úndistan Pahalgamdaǵy teraktiden keıin Pákistanǵa qarsy sharalar jarııalady.

Úndistan Kashmırdegi Pákistan baqylaýyndaǵy aımaqtarǵa soqqy jasaǵanyn málimdedi.

Úndistan men Pákistan soqqylaryn kúsheıte tústi.