Tramp Úndistan men Pákistan bitimge kelgeni týraly habarlady

ASTANA. KAZINFORM — AQSh prezıdenti Donald Tramptyń habarlaýynsha, Úndistan men Pákistan «birden jáne tolyq atysty toqtatý» jóninde kelisimge keldi, dep jazdy BBC.  

Трамп Үндістан мен Пәкістан бітімге келгені туралы хабарлады
Фото: АА

— AQSh-tyń deldaldyǵymen ótken uzaq kelissóz túninen keıin men Úndistan men Pákistannyń atysty tolyq jáne dereý toqtatý jóninde keliskenin qýana habarlaımyn, — dep jazdy Tramp TruthSocial áleýmettik jelisindegi paraqshasynda.

Alaıda, kelisimniń naqty sharttary áli jarııalanǵan joq. Eki el de bul málimdemege qatysty ázirge pikir bildirmedi.

AQSh Memlekettik hatshysy Marko Rýbıo buǵan deıin Pákistan men Úndistan bıligimen telefon arqyly sóılesip, kelissóz jasaýǵa járdemdesýge daıyn ekenin jetkizgen edi.

Aıta keteıik, 10 mamyrǵa qaraǵan túni Pákistan úkimeti Úndistanǵa qarsy arnaıy áskerı operatsııa bastalǵanyn málimdep, jaǵdaı shıelenise túsken bolatyn.

Сейчас читают