Tramp Ýkraınany saılaý ótkizýge shaqyrdy
ASTANA. KAZINFORM — Seısenbi kúni AQSh prezıdenti Donald Tramp Ýkraına prezıdenti Vladımır Zelenskııdi aýystyrýy yqtımal saılaý ótkizilýi tıistigin málimdedi.
Bul jaıynda New York Post basylymy jazdy, dep habarlaıdy Kazinform agenttiginiń menshikti.
— Bizde Ýkraınada saılaý bolmaǵan, durysynda Ýkraınada áskerı jaǵdaı qoldanylatyn ahýal qalyptasyp otyr, — dep málimdedi Donald Tramp amerıkalyq delegatsııa Saýd Arabııasynda reseılik resmı tulǵalarmen kelissózder aıaqtaǵannan keıin Mar-a-Lagoda ótken baspasóz máslıhatynda.
Tramp Zelenskııdiń alǵash ret 2019 jyly saılanǵanyn jáne saýalnama ýkraınalyq prezıdenttiń 50 paıyzdan sál joǵary baǵalanatyndyǵyn kórsetkenine qaramastan «maquldaý reıtıngi 4 paıyz» ǵana ekenin málimdedi.
Ýkraınadaǵy prezıdenttik saılaý 2024 jyldyń sáýir aıyna josparlanǵan edi. Alaıda, 2022 jyldyń aqpan aıynan beri el áskerı jaǵdaıda bolǵandyqtan saılaý ótkizilgen joq.
2023 jyly Zelenskıı el qorǵanysqa uıysý qajet kezde saılaý ótkizý «saıası alaýyzdyqqa» alyp keletindigin aıtqan bolatyn.
Tramptyń Zelenskııge qatysty rıtorıkasy Pýtınmen telefon arqyly sóıleskennen soń jáne komandasy Saýd Arabııasynda kelissózder júrgizgennen keıin sońǵy aptada ózgerip otyr.
— Olar ústel basynan oryn alǵysy kelgen kezde halyq muny jasaý kerektigin aıtýǵa da bolady. Ýkraına halqy «bizde saılaý biraz ýaqyttan beri ótpegenin bilesizder me?» dep aıtpaýy tıis pe edi, — dedi Donald Tramp Ýkraınanyń kezdesýge qatysý nıetine jaýap retinde.
Sonymen qatar AQSh prezıdenti óziniń Ýkraınada saılaý ótkizý qalaýyn Reseıdiń isi emes ekenin basa aıtty.
— Bul meniń, kóptegen ózge de eldiń aıtyp otyrǵany. Bilesizder me, Ýkraına quryp barady, — dedi ol.
Munan ary Tramp Zelenskııdi AQSh Ýkraınaǵa búkil soǵys kezinde bólgen qarajatty tıimsiz paıdalandy dep aıyptady.
— Bergen aqshanyń bári qaıda? Qaıda ketti? Men bul jaıynda esh ýaqytta esep-qısap kórgen emespin. Biz júzdegen mlrd dollar beremiz. Eshqandaı esep-qısabyn kórip otyrǵanym joq. Sondyqtan men tynyshtyq kórgim keledi, — dedi Donald Tramp.
Sondaı-aq AQSh prezıdenti Ýkraına Reseımen soǵys «bastaǵan» el bolǵandyǵyn málimdedi.
— Jumystyń istelgenin oılaımyn. Endi bizde múldem bastalýy tıis emes soǵystyń jalǵasýyna múmkindik bergen basshylyq bar, — dep atap ótti Donald Tramp.
AQSh memlekettik hatshysy Marko Rýbıo Saýd Arabııasyndaǵy kelissózder barysynda Reseıge salynǵan sanktsııalardy alyp tastaý máselesi talqylanbaǵanyn aıtyp otyr.
— Ázirshe áńgimeniń ondaı deńgeıine jetken joqpyz. Biraq, muny is barysynda talqylaýǵa týra keleri sózsiz. Biz bul protsesti bastaǵan da emespiz. Búgin osy máselelerdi talqylaý úshin protsesti bastaýǵa kelisý ǵana boldy, — dedi ol.
Al Vladımır Zelenskıı Reseıdiń áleýetti beıbit jospardyń bóligi retinde Ýkraınada jańa saılaý ótkizýge tyrysatyndyǵyn alǵa tartyp, bul ıdeıany synady. Ol Reseı prezıdenti Vladımır Pýtın tarapynan «ýltımatýmǵa» kelispeıtindigin málimdedi.
Aıta keteıik, keshe Saýd Arabııa astanasy Er-Rııad qalasynda AQSh pen Reseı delegatsııasy alǵash ret beıbit kelissózder ótkizdi. 4,5 saǵatqa sozylǵan kezdesýge Ýkrkına ókilderi qatysqan joq.