Tramp Ýkraınadaǵy qaqtyǵysty sheshý úshin Reseımen kelisim jasaǵysy keledi

ASTANA. KAZINFORM – Bul týraly Donald Tramp áleýmettik jelidegi paraqshasynda málimdedi.

AQSh-tyń jańa saılanǵan prezıdenti Donald Tramp Ýkraınadaǵy qaqtyǵysty sheshý úshin Reseımen kelisim jasasýdy qalaıtynyn aıtyp, tez arada atysty toqtatyp, beıbit kelissózderdi bastaýǵa shaqyrdy.

Ol jazbany Truth Social áleýmettik jelisinde jarııalady.

Buryn habarlanǵandaı, AQSh-tyń jańadan saılanǵan prezıdenti Donald Tramp Parıjge Notr-Dam soborynyń saltanatty ashylýyna bardy. Bul Donald Tramptyń qarashadaǵy saılaýda jeńiske jetkennen keıingi shetelge birinshi sapary.

Euronews habarlaǵandaı, Parıjde Donald Tramp, Emmanýel Makron jáne Vladımır Zelenskııdiń úshjaqty kezdesýi ótti.