Tramp Ýkraına boıynsha kelisimderge qol jetkizý úshin 50 kúndik merzimdi qysqartady

ASTANA. KAZINFORM – Donald Tramp Ýkraınadaǵy retteý týraly kelisimge kelý úshin buryn Máskeý men Vashıngtonǵa belgilegen 50 kúndik merzimdi qysqartýdy josparlap otyr, dep habarlaıdy Kazinform TASS aqparat agenttigine silteme jasap. 

– Men osy 50 kúndi <...> jodan azyraq sanǵa deıin qysqartamyn. Óıtkeni men jaýapty bilemin dep oılaımyn, ne bolatynyn bilemin, - dedi AQSh prezıdenti Ternberrıde (Shotlandııa) Ulybrıtanııa premer-mınıstri Keır Starmermen kezdesýde jýrnalısterdiń suraqtaryna jaýap bere otyryp. 

Sonymen birge Tramp Ýkraına boıynsha kelisimdi 4-5 ret ázirleýge bolatyn edi degen pikirin bildirdi. 

– Men prezıdent Pýtınmen kóp sóılestim, onymen jaqsy aralastym. Biz muny sheshtik dep talaı ret oıladyq, - deıdi Aq úı basshysy. 

Óz kezeginde Tramp jaǵdaıdyń qalaı damıtynyn jýyq arada kóretinin aıtty. 

14 shildede Amerıka prezıdenti eger Vashıngton men Máskeý 50 kún ishinde Ýkraınadaǵy retteý týraly kelisimge kelmese, AQSh Reseı men onyń saýda seriktesterine shamamen 100% ımporttyq baj salyǵyn engizetinin jetkizdi. Ol sondaı-aq eger Eýropa mundaı jetkizilimderdi tóleıtin bolsa, Vashıngton Kıevke qarý-jaraq pen áskerı tehnıkany berýdi jalǵastyrý týraly sheshim qabyldaǵanyn tilge tıek etti.

– Bul úderisti úılestirýdi NATO júzege asyrady, - dep túsindirdi Aq úı basshysy. 

Eske sala keteıik, buǵan deıin Tramp Taıland pen Kambodja premerleriniń kezdesýge keliskenin málimdegenin jetkizgen bolatyn.