Tramp UFC jekpe-jegi Aq úı aýmaǵynda ótetinin habarlady
ASTANA. KAZINFORM – AQSh prezıdenti Donald Tramp UFC jekpe-jegi Aq úı alańynda ótetinin aıtty, dep habarlaıdy TASS.
2026 jyly AQSh-tyń Táýelsizdik deklaratsııasynyń qabyldanǵanyna 250 jyl tolatynyna baılanysty Aıovada sóılegen sózinde Tramp bul dataǵa arnalǵan merekelik sharalar búkil elde bolatynyn jetkizdi.
– Biz tipti UFC jekpe-jegin uıymdastyramyz dep oılaımyn, - dedi Amerıka kóshbasshysy.
Ol sondaı-aq UFC prezıdenti Dana Ýaıtty erekshe atap ótti.
– UFC jekpe-jegin Aq úıdiń aýmaǵynda ótkizemiz. Elestetip kórińizshi. Onda bizde kóp oryn bar, - dedi Tramp.
Onyń aıtýynsha, atalǵan jekpe-jekti tamashalaýǵa 20-25 myń kórermen keledi.
Tramp jekpe-jek naqty qashan ótýi múmkin ekenin jáne oǵan kim qatysatynyn aıtpady. Aq úıdiń baspasóz pýlyndaǵy jýrnalıster Amerıka ákimshiliginiń baspasóz hatshysy Kerolaın Lıvıttiń sózderine silteme jasap, Tramptyń shynymen solaı aıtqanyn habarlady.
