Tramp Túrkııaǵa qarsy sanktsııany alyp tastady

ANKARA. ANADOLÝ-QazAqparat – AQSh Prezıdenti Donald Tramp Túrkııa qarýly kúshteriniń «Beıbitshilik kózi» kontrterrorıstik operatsııalaryna baılanysty Ankaraǵa engizilgen sanktsııany toqtatýdy buıyrdy, dep habarlaıdy QazAqparat «Anadolý» agenttigine silteme jasap.

«Men qarjy mınıstrligine 14 qazanda Túrkııaǵa qatysty engizilgen sanktsııanyń kúshin joıýdy tapsyrdym», - dedi Amerıka kóshbasshysy.

Aq úı basshysy kelisim júrgizilgennen keıin Túrkııanyń «Beıbitshilik kózi» operatsııasyn toqtatqanyn atap ótti. AQSh prezıdenti Sırııa-Túrkııa shekarasynda oq atý toqtatylyp, jaǵdaıdyń turaqtalǵanyn málim etti.

«Qashyqtyǵy 20 mıl (32 shaqyrym) bolatyn qaýipsizdik aımaǵy quryldy», - dedi ol.

AQSh qarjy mınıstrligi Túrkııanyń eki mınıstrligi men úsh mınıstrine qatysty sanktsııalardyń resmı joıylǵanyn málimdedi. Bul týraly Amerıka qarjy vedomstvosynyń jarııalaǵan press-relızinde aıtylǵan.

Shekteý sharalary osy jyldyń 14 qazanynda Túrkııa QK Sırııanyń soltústiginde «Beıbitshilik kózi» kontrterrorıstik operatsııalaryn júrgizýine baılanysty engizilgen edi.