Tramp Túrkııadaǵy NATO sammıtinen keıin ushaǵyn aýystyrdy
ASTANA.KAZINFORM — AQSh prezıdenti Donald Tramp shildede Túrkııada ótken NATO sammıtinen keıin ózine tóngen qaýipke baılanysty eldiń qaýipsizdik qyzmeti ony basqa ushaqqa jasyryn aýystyrǵanyn rastady. Bul týraly agenttiktiń Vashıngtondaǵy tilshisi habarlady.
Tramptyń aıtýynsha, bul sheshimdi AQSh Qupııa qyzmeti men áskerı qyzmetkerler qabyldaǵan.
— Qupııa qyzmet pen áskerılerge baǵynamyn. Olar basqa ushaqpen ushqanymdy qalady. Olardyń aıtqanyn jasadym. Menińshe, qandaı da bir qaýip bolǵan. Shynymdy aıtsam, men bul týraly suraǵan da joqpyn. Maǵan jıi qaýip tónedi, — dedi Donald Tramp.
Gulf News málimetinshe, Tramp NATO sammıtinen keıin prezıdenttiń Air Force One ushaǵyna otyrǵandaı kóringen. Alaıda keıbir aqparatqa qaraǵanda, bul ushaq ádeıi aldaý maqsatynda paıdalanylǵan.
Al Tramptyń ózi Ankara áýejaıynda jasyryn túrde basqa ushaqqa otyrǵan.
Eske salaıyq, buǵan deıin Ankaradaǵy NATO sammıtinde buryn-sońdy bolmaǵan qaýipsizdik sharalary qabyldanǵanyn habarlanǵanbyz.
