Tramp transgenderlerge sporttan áıelder arasyndaǵy jarysqa qatysýǵa tyıym saldy
ASTANA. KAZINFORM – AQSh prezıdenti transgender sportshylarǵa áıelder arasyndaǵy sporttyq jarystarǵa qatysýǵa tyıym salatyn jarlyqqa qol qoıdy, dep habarlaıdy VVS.

Jarlyq kóbine mektep, ýnıversıtet jáne áýesqoı jarystarǵa qatysty bolady.
- Budan bylaı áıelder sporty tek áıelderge arnalady. Osy jarlyqpen áıelder sportyna qarsy soǵys aıaqtalady, - dep málimdedi Tramp qujatqa qol qoıar aldynda.
Ol sondaı-aq AQSh transgender sportshylarǵa vıza berýden bas tartatynyn aıtty.
Tramp sondaı-aq Halyqaralyq Olımpıada komıtetin 2028 jyly Los-Andjelestegi Olımpıada oıyndaryna deıin transgender sportshylarǵa qatysty erejelerin ózgertýge kóndiretinin málimdedi.
Buǵan deıin Tramp AQSh úkimeti tek eki jynysty – erkek pen áıeldi resmı túrde tanıtynyn málimdegen bolatyn.