Tramp «Toyota» AQSh-ta zaýyt salmasa, oǵan úlken salyqtar engizýge ýáde etti
ASTANA. QazAqparat - AQSh-tyń jańadan saılanǵan prezıdenti Donald Tramp japondyq Toyota Motor kompanııasyn jańa zaýytty Meksıkada emes, bastapqyda josparlanǵandaı Amerıkada salýǵa shaqyrdy.
Bul týraly ol Twitter mıkroblogynda jazdy, dep habarlaıdy QazAqparat.
Olaı bolmaǵan jaǵdaıda Tramp avtokontsern ónimderiniń ımportyna joǵary salyqtar salýǵa ýáde etti.
«Toyota Motor AQSh úshin Corolla avtokólikterin qurastyrý maqsatynda Bahada (Meksıka) zaýyt salatynyn málim etti. Bulaı bola qoımas! Zaýytty AQSh-ta salyńdar nemese shekarada úlken salyqtar tóleısińder», - dep eskertti Tramp.
3 qańtar kúni Donald Tramp General Motors-ty kólikterdi Meksıkada qurastyryp, olardy AQSh-qa baj salyǵynsyz kirgizetinin synǵa alǵan edi. Áńgime shaǵyn sedan jáne hetchbek - Chevy Cruz modelderi týrasynda bolyp otyr.
Sol kúni Ford kompanııasy Meksıkada jańa zaýyttyń qurylysyna 1,6 mlrd. dollar ınvestıtsııa quıý josparynan bas tartatynyn málim etti. Onyń ornyna avtoóndirýshi AQSh ishinde óndiristi damytýǵa 700 mln dollar jumsaýdy kózdep otyr.
29 jeltoqsan kúni Tramp onyń ákimshiligi basshylyqqa alatyn eki erejeni atady - «amerıkalyq taýardy satyp al» jáne «amerıkalyqtardy jumysqa jalda».
