Tramp Toqaevpen G20 sammıti aıasynda kezdesýdi asyǵa kútetinin aıtty
ASTANA. KAZINFORM — Respýblıka kúnine oraı Prezıdent Qasym-Jomart Toqaevtyń atyna AQSh Prezıdenti Donald Tramptyń quttyqtaý jedelhaty kelip tústi, dep habarlaıdy Aqorda.
– Keıingi bir jyl ishinde seriktestigimizdi tereńdete túskenimizge qýanyshtymyn. Bul halyqaralyq beıbitshilik pen qaýipsizdik salasyndaǵy yntymaqtastyqtan bastap eki elge de paıdaly mańyzdy kommertsııalyq kelisimderge deıin qamtydy. 1991 jyly halyqaralyq arenada Qazaqstandy egemen el retinde birinshi bolyp Qurama Shtattar tanyǵan bolatyn. Sondyqtan elińizdiń táýelsizdigi men egemendigin jáne aýmaqtyq tutastyǵyn árdaıym qoldaımyz. Qazaqstannyń tańǵalarlyq ekonomıkalyq tabystaryna amerıkalyq kompanııalar da zor úles qosyp keledi. Elderimiz arasyndaǵy berik dostyq uzaq jyldarǵa jalǵasatynyna senimdimin. Jeltoqsan aıynda ótetin G20 sammıti aıasyndaǵy kezdesýdi asyǵa kútemin, – dep jazdy Donald Tramp.
Prezıdent Respýblıka kúnimen quttyqtaǵan shet memleketter basshylaryna alǵys aıtqany jaıly jazǵan edik.
