Tramp Time jýrnalynyń muqabasyndaǵy sýretin synady

ASTANA. KAZINFORM — Amerıkalyq Time jýrnalynyń shyǵarylymy Gaza sektorynda Izraıl men HAMAS arasynda AQSh deldaldyǵymen qol jetkizgen bitimgershilik kelisimine arnalǵan, dep habarlaıdy Kazinform. 

Time jýrnalynyń muqabasynda AQSh prezıdentiniń fotosýreti jáne osy nómirde jarııalanǵan úsh maqalanyń ataýy berilgen. Olar «Onyń trıýmfy», «Izraılge qajet bolǵan kóshbasshy» jáne «Gaza qalaı em alyp jatyr» dep atalady.

— Bul kelisim Tramptyń ekinshi merziminiń jetistigi jáne Taıaý Shyǵys úshin strategııalyq betburys sáti bolýy múmkin, — dep jazdy Time.

Alaıda amerıkalyq kóshbasshy jýrnaldy fotosýreti úshin synap, ony «sumdyq» dep sanady.

— Olar meniń shashymdy «óshirdi», sodan keıin basymda qalqymaly tájge uqsaıtyn birdeńe paıda boldy, tek óte kishkentaı. Óte qyzyq! Men eshqashan tómennen sýretke túsirgendi unatpadym, biraq bul foto jaı ǵana qorqynyshty jáne kúlkili. Olar ne istep jatyr jáne nege? — dep jazdy Tramp Truth Social-da.

Eske sala ketsek, Gaza sektoryndaǵy Izraıl men Palestına kúshteri arasyndaǵy atysty toqtatý týraly kelisim 10 qazan kúni jergilikti ýaqyt boıynsha tús kezinde (Astana ýaqyty boıynsha 14:00) kúshine endi.

Kelisimniń birinshi kezeńi boıynsha Izraıl «sary syzyq» aımaǵyna sheginip, Gaza aýmaǵynyń 58 paıyzyn saqtap qalady.