Tramp Temmı Brıýsti AQSh-tyń BUU janyndaǵy orynbasar turaqty ókili qyzmetine usyndy
ASTANA. KAZINFORM — AQSh prezıdenti Donald Tramp Memlekettik departamenttiń baspasóz qyzmetiniń jetekshisi Temmı Brıýsti AQSh-tyń BUU janyndaǵy orynbasar turaqty ókili laýazymyna úmitker retinde usyndy, dep habarlaıdy TASS.
Bul týraly ol Truth Social jelisinde jarııalady.
— Men Temmı Brıýsti — kórnekti patrıot, teledıdardan tanymal tulǵa jáne bestseller avtoryn — BUU janyndaǵy AQSh-tyń kelesi orynbasar turaqty ókili qyzmetine elshi dárejesinde usynyp otyrǵanymdy qýana habarlaımyn, — dep jazdy Tramp.
Temmı Brıýs Memlekettik departamenttiń baspasóz qyzmetin 2025 jyldyń qańtarynan bastap basqaryp keledi.
Buǵan deıin, 2025 jyldyń mamyr aıynda, Tramp óziniń burynǵy ulttyq qaýipsizdik jónindegi keńesshisi Maık Ýolttsty AQSh-tyń BUU janyndaǵy turaqty ókili qyzmetine usynǵan bolatyn. Alaıda Fox News arnasynyń habarlaýynsha, Ýolttstyń aınalasyndaǵy Signal messendjerindegi janjal — joǵary laýazymdy tulǵalar qatysqan chatqa The Atlantic jýrnalynyń bas redaktory Djeffrı Goldbergtiń qate qosylýy — onyń shettetilýine sebep bolǵan.
Degenmen, shilde aıynyń sońynda AQSh Kongresi Senatynyń Syrtqy ister jónindegi komıteti Ýolttstyń kandıdatýrasyn qoldap, ony BUU-daǵy turaqty ókil laýazymyna taǵaıyndaýdy usyndy.
Budan buryn Kazinform agenttiginiń halyqaralyq sholýshysy Tramptyń baj salyǵy jahandyq naryqqa qanshalyqty qaýip tóndiretinin zerdelep kórdi.