Tramp Tehasta tótenshe jaǵdaı rejımin engizdi
ASTANA. KAZINFORM – AQSh prezıdenti Donald Tramp nóser jaýyn men Gýadalýpe ózeni sýynyń arnasynan asýyna baılanysty sý tasqynynan eń qatty zardap shekken Tehas shtatynyń Kerr okrýginde tótenshe jaǵdaı rejımin engizdi, dep habarlaıdy TASS.
Donald Tramp Tótenshe jaǵdaı rejımin engizý shuǵyl qyzmet ókilderine qajet resýrstardy jedel bólýge múmkindik beretinin jetkizdi.
Sońǵy málimetter boıynsha, Tehastyń ortalyq bóliginde keminde 59 adam mert bolǵan. Tehas gýbernatory Greg Ebbottyń habarlaýynsha, 850 adamdy evakýatsııalaýǵa múmkindik týdy.
AQSh prezıdenti sonymen qatar federaldy bılik ókilderiniń sý tasqyny saldarymen kúreske qolǵabys etip jatqanyn aıtty. Senbi kúni Tehasqa AQSh-tyń ishki qaýipsizdik mınıstri Krıstı Noem bardy.
Osyǵan deıin Tehastaǵy sý tasqynynan mert bolǵandar sany 51-ge jetkenin jáne olardyń 15-i balalar ekeni týraly jazdyq.