Tramp: Tegeran turǵyndary shuǵyl evakýatsııalanýy tıis

ASTANA. KAZINFORM — AQSh prezıdenti Donald Tramp TruthSocial jelisinde jarııalaǵan jazbasynda Tegerandaǵy barlyq turǵyndardy shuǵyl túrde evakýatsııalanýǵa shaqyrdy, dep jazdy BBC.

—Iran bul «kelisimge» qol qoıýy kerek edi, men olardan sony talap ettim. Ókinishti, qansha orynsyz qaza boldy. Qarapaıym tilmen aıtqanda, Iran ıadrolyq ıadrolyq qarý qoldanbaýy tıis. Men bul týraly qaıta-qaıta aıtyp kelemin! Barlyǵy Tegerannan shuǵyl túrde evakýatsııalanýy kerek! , — delingen Tramptyń jazbasynda.

Tramptyń málimdemeleri jıi túsiniksiz bolǵandyqtan, bul joly naqty neni meńzegeni belgisiz. 

BBC tilshisi Entonı Zýrker, qazirgi tańda Tramppen birge Kanadadaǵy «Úlken jetilik» sammıtinde júrgen, prezıdenttiń baspasóz baılanystary jónindegi kómekshisinen túsinikteme suraǵan. Alaıda ol jýrnalısti Aq úıdiń baspasóz qyzmetine júginýge keńes bergen.

Tegerannan evakýatsııa týraly tvıtten keıin Tramp osy taqyrypqa qatysty taǵy birneshe qysqa jazba jarııalady.