Tramp Taıaý Shyǵystaǵy beıbit protsestiń jalǵasatynyna senim bildirdi
ASTANA. KAZINFORM – AQSh prezıdenti Donald Tramptyń málimdemesi Izraıl men arab elderi arasyndaǵy qarym-qatynasty qalypqa keltirý perspektıvasyna qaıta nazar aýdartty, dep habarlaıdy Kazinform tilshisi.
AQSh basshysy jaqyn ýaqytta Avraam kelisimderiniń keńeıýin kútetinin jáne olarǵa Saýd Arabııasynyń qosylatynyna úmit artatynyn aıtty. Bul týraly ol juma kúni efırge shyqqan Fox Business Network telearnasyna bergen suhbatynda málimdedi.
— Úmitim bar, Saýd Arabııasy qosylady, al onyń artynan basqalar da keledi. Er-Rııad osyndaı qadam jasasa, bul barlyǵyna úlgi bolady dep oılaımyn, — dedi Tramp.
“The Abraham Accords are amazing. It’s really — it’s amazing. And it’ll help bring long-lasting peace into the Middle East.”
— Fox News (@FoxNews) October 17, 2025
“The big thing is what happened over the last few days. It’s been pretty much incredible. Just like your ratings are incredible — it’s been incredible.”… pic.twitter.com/eGZzoxSiEl
Onyń aıtýynsha, bul másele boıynsha kelissózder jalǵasyp jatyr jáne ol jýyrda kelisimge qosylýǵa daıyn elderdiń ókilderimen «óte jaqsy áńgimeler» ótkizgen.
— Meniń oıymsha, olardyń bári bul protseske jaqyn arada qosylady, — dep tolyqtyrdy AQSh prezıdenti.
Avraam kelisimderi alǵash ret 2020 jyly Tramptyń alǵashqy prezıdenttik merzimi kezinde Izraıl, BAÁ jáne Bahreın arasynda qol qoıylǵan bolatyn. Keıin olarǵa Marokko men Sýdan qosyldy. Bul Izraıl men arab elderi arasyndaǵy qarym-qatynastyń shırek ǵasyrdan keıin alǵash ret qalypqa kelýin bildirdi.
Buǵan deıin Tramp Mysyrda ótken sammıtte sóılegen sózinde Gaza sektoryndaǵy soǵysty toqtatý jospary Taıaý Shyǵystaǵy keń aýqymdy beıbit retteýdiń bastamasy bolýy múmkin ekenin aıtqan. Sondaı-aq ol Iran men Izraıl arasynda beıbit kelisimge kelý múmkindigin de joqqa shyǵarmaǵan.