Tramp tarıhı sammıtke qatysý úshin Helsınkıge keldi
HELЬSINKI. QazAqparat - Máskeýde ótken fýtboldan álem chempıonaty aıaqtalǵan soń kópshiliktiń nazary búgin AQSh prezıdenti Donald Tramp pen Reseı kóshbasshysy Vladımır Pýtınniń tarıhı kezdesýi ótetin Helsınkıge aýdy. Tramp pen AQSh-tyń birinshi hanymy Melanııa Helsınkıge jeksenbi kúni keshke kelip jetti, dep habarlaıdy QazAqparat tilshisi USA Today saıtyna silteme jasap.
Sońǵy toǵyz jyl ishindegi Amerıka men Reseı sammıti Tramp Ulybrıtanııaǵa kelgennen keıin birden Helsınkıde ótetin bolady.
Pýtınmen ótetin betpe-bet kezdesýge shaqyrý taratylmaıdy. Bar bolǵany, Tramp Vashıngton men Máskeý arasyndaǵy yntymaqtastyqty nyǵaıtýdy kózdeıtini belgili boldy.
Ótken aptada Brıýsselde baspasóz qyzmetiniń ókilderine suhbat berý kezinde Tramp ótken kezdesýlerde Pýtınniń óte sypaıy bolǵanyn aıtty.
«Ol - naǵyz qarsylas. Alaıda jaý demeımin. Kúnderdiń bir kúni dostasyp ketetinimizge senemin», - dedi Tramp.
Tramp pen Pýtın arasyndaǵy kezdesýge Helsınkı qalasy jaıdan-jaı tańdalmady. Tarıhı turǵydan alyp qaraǵanda, dál osy Fınlıandııada aldymen amerıkalyq jáne keńestik bılik ókilderiniń kezdesýleri, artynan Amerıka men Reseıdiń kelissózderi júrgizilgeni belgili boldy. Buǵan eldiń geografııalyq ornalasýy men beıtaraptyq saıasatyn ustanýy sebep bolyp otyr.
