Tramp Sýdandaǵy soǵysty toqtatpaq

ASTANA. KAZINFORM – AQSh prezıdenti Donald Tramp Sýdandy «jer betinde zorlyq-zombylyq eń kóp jasalatyn jer» dep atap, Truth Social áleýmettik jelisinde Saýd Arabııasy hanzadasynyń ótinishi boıynsha sol eldegi soǵysty toqtatatynyn málimdedi.

- Sýdan jantúrshigerlik qatygezdikti bastan keshirip otyr. Ol jer betinde zorlyq-zombylyqqa eń toly jerge jáne sonymen birge eń úlken gýmanıtarlyq daǵdarysjaılaǵan elge aınaldy. Azyq-túlik, dárigerler jáne basqa da qajettilikterge muqtaj. Álem boıynsha arab elderiniń kóshbasshylary, sonyń ishinde Qurama Shtattardan jaqynda ketken Saýd Arabııasynyń qurmetti taq murageri menen Sýdanda bolyp jatqan oqıǵalardy dereý toqtatý úshin prezıdenttik bıliktiń kúshi men yqpalyn paıdalanýdy surady. Sýdan ókinishke qaraı quldyrap bara jatqan uly órkenıet sanalady, biraq elder arasyndaǵy yntymaqtastyq pen úılestirý arqyly jaǵdaıdy qalpyna keltirýge bolady, - dep málimdedi Tramp jazbasynda.

Amerıka kóshbasshysynyń aıtýynsha, AQSh Saýd Arabııasy, Birikken Arab Ámirlikteri, Mysyr jáne Taıaý Shyǵystaǵy basqa seriktestermen birlesip «osy zulymdyqtardy toqtatý jáne sonymen birge Sýdandaǵy jaǵdaıdy turaqtandyrý» úshin jumys isteýge nıetti.

Buǵan deıin Sýdandaǵy Jedel qoldaý kúshteri (RSF) atty qarýly qurylym Batys Sýdandaǵy El-Fasher qalasyn baqylaýyna alǵanyn habarlady.

Ońtústik Sýdan álemdegi eń aýyr gýmanıtarlyq daǵdarystardyń birin bastan ótkerip otyr. BUU derekterine sáıkes, eldegi shamamen 9,3 mıllıon adam (bul shamamen halyqtyń 70 paıyzy) gýmanıtarlyq kómekke zárý.