Tramp sot arqyly ABC News telearnasynan 15 mıllıon dollar óndirip aldy
ASTANA. KAZINFORM – Sotqa júginýge telejúrgizýshi Djordj Stefanopýlostyń jalǵan málimdemesi sebep boldy, dep habarlaıdy BBC.
2024 jyldyń 10 naýryzyndaǵy suhbatynda ol Tramptyń «zorlaý úshin jaýapty» dep tabylǵanyn birneshe ret aıtqan.
Elle jýrnalynyń sholýshysy Elızabet Jan Kerroll Trampty «zorlady» dep aıyptaǵan. Ol bul oqıǵa 1996 jyly Nıý-Iorktegi ámbebap dúkendegi kıim-keshek bólmesinde bolǵanyn aıtqan.
Іsti azamattyq alqa bıler soty qarady. Olar jynystyq zorlyq-zombylyq úshin emes, Trampty jynystyq qýdalaý jáne jala jabý úshin «jaýapty» dep sheshti.
Endi ABC News «AQSh-tyń burynǵy prezıdentteri jasaǵandaı, talapkerdiń ózi nemese talapker úshin qurylatyn prezıdenttik qor men murajaıǵa» 15 mıllıon dollar qaıyrymdylyq jarnasyn tóleıdi.
Sondaı-aq ABC News óz júrgizýshisiniń túsiniktemesin jarııalaýǵa jáne 1 mıllıon dollar sot shyǵyndaryn tóleýge kelisti.
Aıta keteıik, buǵan deıin Donald Tramp Time jýrnaly boıynsha jyl adamy dep tanylǵanyn jazǵan edik.