Tramp Soltústik teńizde munaı óndirilmese, Ulybrıtanııa bankrot bolýy múmkin ekenin aıtty
ASTANA. KAZINFORM — AQSh prezıdenti Donald Tramp Ulybrıtanııa aýyr ekonomıkalyq qıyndyqtarǵa tap bolmas úshin Soltústik teńizde munaı óndirýdi qaıta bastaýy qajet dep málimdedi. Bul týraly ol Aq úıde jýrnalısterdiń suraqtaryna jaýap berý kezinde aıtty, dep habarlaıdy Report.
— Meniń sizderdiń jańa premer-mınıstrmen [Endı Bernem] qarym-qatynasym óte jaqsy. Ol — naǵyz lıberal saıasatker. Onyń Soltústik teńizde munaı óndirýdi bastaǵaly jatqanyn estidim. Eger ol muny Aberdınde júzege asyrsa, elderińiz baı bolady, al olaı etpese — bankrotqa ushyraıdy, — dedi Tramp.
Buǵan deıin AQSh prezıdenti eldiń strategııalyq munaı qoryn jaqyn arada tolyqtyratynyn málimdedi. Oǵan qosa, AQSh dızel otynyn eksporttaýǵa tyıym salmaıtynyn eskertti.
Donald Tramp sondaı-aq AQSh Ormýz buǵazy arqyly rekordtyq kólemde munaı shyǵarǵanyn jarııalaǵan bolatyn.
