KZ QZ RÝ EN 中文 ق ز ЎZ
    Trend:
    Jibek Joly TRK
    QZ
    Trend:

    Tramp Soltústik Koreıanyń shekarasyna aıaq basqan AQSh-tyń tuńǵysh Prezıdenti boldy

    CEÝL. QazAqparat - Jeksenbi kúni AQSh Prezıdenti Donald Tramp koreıaaralyq shekaradaǵy ekijaqty kezdesýdiń aldynda Soltústik Koreıanyń shekarasyna azdaǵan ýaqytqa ótip, eldiń kóshbasshysy Kım Chen Ynmen qol alysty, dep habarlaıdy «QazAqparat» HAA tilshisi Renhap agenttiginesilteme jasap.

    Tramp Soltústik Koreıanyń shekarasyna aıaq basqan AQSh-tyń tuńǵysh Prezıdenti boldy

    Aldymen Tramp «bitimge kelý qalashyǵyn» (Birlesken qaýipsizdik zonasy» dep te atalady) bólip turǵan áskerı-demarkatsııalyq syzyqqa bet alǵan bolatyn. Keıin oǵan Kım Chen Yn taıanyp, olar bir-birimen qol alysty. Budan ári ekeýi Soltústik Koreıanyń shekarasyna birge attady.

    Donald Tramp Amerıka Qurama Shtattarynyń is basyndaǵy Prezıdenti retinde KHDR shekarasyn kesip ótken alǵashqy basshy bolǵanyn maqtan etetinin atap ótti.

    «Bizdiń kezdesýimizdiń ózi tarıhı sát...», - dedi amerıkalyq lıder Kım Chen Ynge kezdesý basynda. «Biz damytyp otyrǵan qarym-qatynas kóptegen adamdar úshin úlken mańyzǵa ıe dep oılaımyn. Jáne bul men úshin úlken abyroı», - dep qosty Tramp.

    D.Tramp Soltústik Koreıaǵa taban tiregen AQSh-tyń alǵashqy Prezıdenti ekenin tilge tıek etken Kım Chen Yn: «Bul, onyń barlyq túnerińki ótken shaqtan arylyp, jańa keleshekti ashýǵa daıyndyǵyn kórsetedi», - dedi.

    Azdaǵan ýaqyttan soń olardyń janyna Ońtústik Koreıanyń basshysy Mýn Chje In jaqyndady. Úsh prezıdent kelissózder ótkizý úshin «Erkindik úıi» ǵımaratyna bet aldy. Kım Chen Yn men Donald Tramp ekijaqty kezdesýdi jabyq esik jaǵdaıynda ótkizdi.

    Álem jańalyqtary Álem
    Mıra Tólendiqyzy
    Mıra Tólendiqyzy
    Avtory