Tramp Sırııaǵa qarsy sanktsııalardy jeńildetý týraly jarlyqqa qol qoıady

VAShINGTON. KAZINFORM – AQSh prezıdenti Donald Tramp búgin Sırııaǵa qarsy amerıkalyq sanktsııalardy jeńildetý týraly jarlyqqa qol qoıady. Bul týraly Aq úıde akkredıtatsııalanǵan CBS telearnasynyń tilshisi Djennıfer Djeıkobs X áleýmettik jelisinde habarlady, dep jazady TASS. 

– Búgin Tramp Sırııaǵa qarsy sanktsııalardy jumsartýǵa qatysty jarlyqqa qol qoıady, – dep jazǵan Djeıkobs.

4 mamyrda Tramp Er-Rııadta Sırııanyń ýaqytsha basshysy Ahmed ash-Sharaamen kelissóz ótkizdi. Bul – osy eki el basshylarynyń sońǵy 25 jyldaǵy alǵashqy kezdesýi boldy. Amerıka prezıdenti Vashıngtonnyń Sırııaǵa ondaǵan jyldar boıy, Hafez Asad pen onyń uly Bashar Asad bıligi kezinde engizilgen shekteýlerdi joıý protsesin bastaıtynyn málimdegen.

Aıta keteıik, buǵan deıin Senat Tramptyń memlekettik shyǵystardy qysqartý týraly zańyna daýys bergenin jazdyq.