Tramp Signal chatyndaǵy janjal aıasynda Pentagonǵa qoldaý bildirdi

ASTANA. KAZINFORM – Prezıdent Donald Tramp AQSh Qorǵanys mınıstri Pıt Hegsetke qoldaý bildirip, Signal toptyq chatynda áskerı jospardy jarııalaýmen baılanysty kez kelgen alańdaýshylyq beker ekenin aıtty, dep habarlaıdy Kazinform menshikti tilshisi The New York Times Basylymyna silteme jasap.

Osyǵan deıin Tramp Hegsetke tolyqtaı senetinin aıtqan bolatyn.

- Ol óziniń jumysyn laıyqty atqaryp jatyr, ony hýsıtterden surańyzdar, olardyń jaǵdaıy qalaı eken, qazir dedi prezıdent Qurama Shtattar ótken aıda áskerı soqqy jasaǵan Iemendegi kóterilisshiler tobyn meńzeı otyryp.

Prezıdent Pashadaǵy sharalardan soń tilshilerge bergen suhbatynda Hegsettiń qatelesý múmkindigi týraly boljamdy joqqa shyǵardy.

- Ol óz isin jaqsy atqaryp jatyr. Bul jaı ǵana feık aqparattar ǵoı, olar oıdan shyǵara beredi. Menińshe bul narazy qyzmetshilerdiń istep otyrǵany. Ony jaman adamdardan arylý úshin taǵaıyndadyq, ol tap osy ispen aınalysyp jatyr, - dedi Tramp.

Osyǵan deıin AQSh áýe kúshteriniń Iemenge áýeden soqqy jasap jatqany týraly jazdyq.