Tramp Sı Tszınpındi qyrkúıek aıynda AQSh-qa shaqyrdy
ASTANA. KAZINFORM – Qytaıǵa memlekettik sapary kezinde AQSh prezıdenti Donald Tramp Qytaı tóraǵasy Sı Tszınpın men onyń áıeli Pen Lııýandy 24 qyrkúıekte Aq úıge shaqyrdy, dep habarlaıdy NBC News.
Beısenbi kúni keshke Beıjińde AQSh prezıdentiniń qurmetine saltanatty banket uıymdastyryldy.
Quttyqtaý sózinde Donald Tramp sapardyń nátıjesin oń baǵalap, tıimdi jáne jemisti kezdesýler ótkizilgenin atap ótti. Ol qabyldaýshy taraptyń qonaqjaılylyǵyna rızashylyǵyn bildirip, keshti dostar arasynda ótkizilgen mańyzdy shara dep sıpattady.
Sapardyń resmı baǵdarlamasyna tańerteń joǵary deńgeıdegi kelissózder jáne Sı Tszınpın men Donald Tramppen birge iri amerıkalyq korporatsııalar basshylarynyń kezdesýi engizildi.
Tústen keıin mádenı baǵdarlama aıasynda ıÝNESKO-nyń Dúnıejúzilik mura nysany sanalatyn Aspan ǵıbadathanasyna barǵan eki kóshbasshy sáýlet keshenin aralap, birlesken fotosessııaǵa qatysty.
Buǵan deıin Sı Tszınpın men Donald Tramptyń Beıjińde kelissóz júrgizgenin jazǵanbyz.
