Tramp Sı Tszınpındi ınaýgýratsııasyna shaqyrdy

ASTANA. KAZINFORM – Jańadan saılanǵan prezıdent Donald Tramp QHR tóraǵasy Sı Tszınpındi kelesi aıda bolatyn ınaýgýratsııasyna shaqyrdy, dep habarlaıdy Kazinform-nyń menshikti tilshisi BNN Bloomberg-ke silteme jasap. 

Bul shaqyrý Donald Tramptyń álemdegi ekinshi iri ekonomıkaǵa jańa bajdar engizý qaýpi jaǵdaıynda qytaılyq áriptesin ózine qaratý áreketin bildiredi. 

Donald Tramp NBC telearnasyna osy aptada Sı Tszınpınmen sóıleskenin jáne Qytaı basshysymen «óte jaqsy til tabysyp ketkenin» habarlady. Sońǵy ret eki kóshbasshy 2019 jyly maýsymda Japonııada ótken G20 sammıti aıasynda jeke kezdesken.

Sı Tszınpın Donald Trampty saılaýdaǵy jeńisimen quttyqtap, turaqty qarym-qatynasty saqtap qalýdy qalaıtynyn bildirdi. 

Atap ótilgendeı, ádette elshiler qatysatyn AQSh prezıdentiniń ulyqtaý rásimine Qytaıdyń birde-bir basshysy qatysqan joq. Memlekettik departament jazbalary kem degende 1874 jyldan beri birde-bir sheteldik memleket basshysy muny jasamaǵanyn kórsetip otyr. 

Sı Tszınpın sońǵy ret AQSh-qa 2023 jylǵy qarashada Azııa-Tynyq muhıty ekonomıkalyq yntymaqtastyǵy sammıtine qatysý úshin baryp, prezıdent Djo Baıdenmen kelissózder júrgizdi.