Tramp Shon Karrendi qupııa qyzmetiniń basshysy etip taǵaıyndady

ASTANA. KAZINFORM – Donald Tramp Pensılvanııa shtatynyń Batler qalasynda jasalǵan qastandyq kezinde ózin qorǵaǵan agent Shon Karrendi Qupııa qyzmet dırektory etip tańdady, dep habarlaıdy Kazinform menshikti tilshisi.

Donald Tramp Truth Social platformasynda Karrenniń birneshe jyl boıy otbasyn qorǵaǵan uly patrıot ekenin, sondyqtan oǵan Amerıka Qurama Shtattarynyń qupııa qyzmetiniń erjúrek erleri men áıelderin basqarýdy tapsyratynyn habarlady. 

- Ol meni Batlerdegi (Pensılvanııa shtaty) qaraqshynyń oǵynan qutqarý úshin óz ómirin qaterge tigip, batyldyǵyn kórsetti. Men Shonnyń Qurama Shtattardyń Qupııa qyzmetin burynǵydan da kúshti etetinine senemin, - dep jazdy Donald Tramp. 

Shon Karrenniń quqyq qorǵaý organdarynda 23 jyldyq tájirıbesi bar. Ol Qupııa qyzmettegi mansabyn 2001 jyly Nıýarktegi (Nıý-Djersı) jergilikti bólimshede arnaıy agent retinde bastady. 

Karran agenttikke alǵash ret 2001 jyldyń qyrkúıeginde qosyldy jáne 2024 jyldyń 29 jeltoqsanynda Prezıdenttiń qorǵanys qyzmetine jaýapty arnaıy agenttiń orynbasary laýazymyna deıin kóterildi. Júzdegen agentten turatyn bólimshe qazirgi prezıdent pen onyń birinshi otbasyn qorǵaý úshin jaýap beredi.