Tramp tótenshe jaǵdaı jarııalady
ASTANA. KAZINFORM — AQSh prezıdenti Donald Tramp Іshki qaýipsizdik mınıstrliginiń jumysyn ishinara toqtatýǵa baılanysty tótenshe jaǵdaı jarııalady. Tıisti málimdeme Aq úıdiń saıtynda jarııalandy, dep habarlaıdy Report.
Tramptyń aıtýynsha, kólik qaýipsizdigi basqarmasynyń (TSA) 60 myńǵa jýyq qyzmetkeri jalaqysyz qaldy, 500-ge jýyq adam jumystan shyǵyp úlgerdi.
— Bul jaǵdaılar bizdiń ulttyq qaýipsizdigimizge qaýip tóndiretin tótenshe jaǵdaı dep sheshtim, — dedi ol.
Osyǵan baılanysty prezıdent TSA qyzmetine baılanysty qarajatty vedomstvonyń qalypty jumysy kezinde alatyn qyzmetkerlerge ótemaqy men jeńildikter tóleý úshin paıdalanýdy tapsyrdy.
Kólik qaýipsizdigi basqarmasy Іshki qaýipsizdik mınıstrliginiń quramyna kiredi jáne AQSh áýejaılarynda qaýipsizdikti qamtamasyz etýge jaýap beredi.
Aıta keteıik, AQSh táýelsizdiginiń 250 jyldyǵyna oraı shyǵarylatyn 100 dollarlyq banknottarda qazynashynyń qoltańbasynyń ornyna prezıdent Donald Tramptyń qoltańbasy bolady.
