Tramp saılaýdaǵy zańbuzýshylyqtarǵa qarsy jarlyqqa qol qoımaq
ASTANA. KAZINFORM — AQSh prezıdenti Donald Tramp eldegi saılaýdaǵy zańbuzýshylyqtardyń jolyn kesýge baǵyttalǵan birqatar sharany qarastyratyn atqarýshylyq jarlyqqa qol qoıý nıeti bar ekenin málimdedi, dep habarlaıdy
TASS.
Bul týraly AQSh basshysy 30 tamyzda Truth Social jelisinde jazdy.
— Daýys berýshiniń jeke kýáligi ár saılaýda mindetti túrde talap etilýi tıis. Eshqandaı erekshelik bolmaýy kerek! Men bul jóninde atqarýshylyq jarlyqqa qol qoıamyn!!! Sonymen qatar poshta arqyly daýys berýge tek aýyr naýqastar men alys jerde júrgen áskerı qyzmetkerler ǵana ruqsat alýy kerek. Tek qaǵaz bıýlletenderdi paıdalanyńyzdar!!! — dedi Tramp.
AQSh astanasyndaǵy ákimshiliktiń basshysy osy aıdyń basynda eldiń saılaý júıesin reformalaý jáne poshta arqyly daýys berýden bas tartý jospary bar ekenin aıtqan bolatyn. Ol birneshe ret bul ádis falsıfıkatsııaǵa óte beıim ekenin atap ótken.
Sonymen qatar Tramp kóptegen amerıkalyq shtattarda túrli deńgeıdegi saılaý ýchaskelerinde saılaýshylardan qujat talap etilmeıtinin de synǵa alǵan.