Tramp sáýir aıynda Qytaıǵa barady
ASTANA. KAZINFORM — AQSh prezıdenti Donald Tramp Qytaıǵa 2026 jyldyń sáýir aıynda baratynyn aıtyp, buryn jarııalanǵan josparyn rastady, dep habarlaıdy TASS.
— Men Tóraǵa Sı Tszınpınmen óte jaqsy aralasamyn. Men Qytaıǵa sáýir aıynda baramyn, — dedi amerıkalyq kóshbasshy.
Ol muny batystyń iri munaı kompanııalarynyń basshylarymen Venesýela tóńiregindegi jaǵdaıdy talqylaǵan kezdesýinde aıtty.
Tramp aldaǵy sapardy qazan aıynda Sı Tszınpınmen telefon arqyly sóıleskennen keıin jarııalap, Qytaı basshysynyń 2026 jyldyń sáýirindegi shaqyrtýyn qabyldaǵanyn atap ótti.
AQSh prezıdentiniń aıtýynsha, osydan keıin Qytaı tóraǵasynyń Amerıkaǵa memlekettik sapary josparlanǵan.
AQSh-tyń Qarjy mınıstri Skott Bessent buǵan deıin Donald Tramp pen Sı Tszınpın 2026 jyly tórt ret kezdesýi múmkin dep boljaǵan. Ol eki memlekettik sapardan bólek, Florıda shtatyndaǵy Doral qalasynda ótetin G20 sammıtinde, sondaı-aq Qytaıdyń Shenchjen qalasynda ótetin Azııa-Tynyq muhıty ekonomıkalyq yntymaqtastyǵy forýmy aıasynda kelissózder júrgizilýi múmkin ekenin atap ótti.
Osyǵan deıin Donald Tramp Qytaı basshysy Sı Tszınpınmen bolǵan kezdesýi turaqty beıbit ómir men tabysty qamtamasyz etetinin aıtty.