Tramp saýda kelisimi jasalmaǵan elderge baj salyǵyn engizý týraly jarlyqqa qol qoıady

ASTANA. KAZINFORM – AQSh Prezıdenti Donald Tramp beısenbi kúni Vashıngtonmen saýda kelisimine qol qoımaǵan elderge ımporttyq baj salyǵyn engizý týraly jarlyqqa qol qoımaq. Bul týraly Aq úıdiń baspasóz hatshysy Karolın Levıttiń jýrnalısterge bergen brıfınginde aıtyldy, dep habarlaıdy Report.

– Ol (jarlyqqa) búgin kúndiz nemese keshkisin (jergilikti ýaqytpen) qol qoıady. Qashan bolatynyn habarlaımyz, al qujatty baspasóz qyzmetimiz jarııalaıdy, – dedi Levıtt.

Eske sala keteıik, 28 shildede Shotlandııada jýrnalıstermen áńgimelesý barysynda Tramp AQSh-pen saýda kelisimin jasamaǵan elderge 15-20% kóleminde baj salyǵyn engizýdi josparlap otyrǵanyn aıtqan bolatyn.

Aıta keteıik, AQSh birneshe elmen saýda kelisimine qol qoıdy, sondaı-aq Donald Tramptyń 1 tamyzǵa belgilengen baj salyǵyn engizý merzimi aldynda Úndistan men Brazılııaǵa baj salyǵyn engizdi.