Tramp Saýd Arabııasyna shart qoıdy: Izraılmen qatynas qalypqa kelmeıinshe ıadrolyq kelisim bolmaıdy
ASTANA. KAZINFORM – AQSh prezıdenti Donald Tramp Saýd Arabııasymen jasalatyn azamattyq ıadrolyq kelisimniń basty sharty retinde Izraılmen qarym-qatynasty qalypqa keltirýdi atady. Bul týraly Kazinform agenttiginiń Vashıngtondaǵy menshikti tilshisi habarlady.
Tramptyń málimdeýinshe, AQSh Energetıka mınıstrligi men Saýd Arabııasy arasyndaǵy azamattyq ıadrolyq kelisim bekitiledi.
Alaıda onyń júzege asýy Saýd Arabııasynyń Ibrahım kelisimderine qosylýyna tikeleı baılanysty.
-AQSh Energetıka mınıstrligi men Saýd Arabııasy arasyndaǵy azamattyq ıadrolyq kelisim maquldanady. Biraq ol tolyqtaı Saýd Arabııasynyń bedeldi ári tabysty Avraam kelisimderine qosylýyna baılanysty. Bul kelisim tek áskerı maqsatta paıdalanylmaıtyn ıadrolyq tehnologııalardy qamtıdy. Mundaı tájirıbe Iranda, Birikken Arab Ámirlikterinde jáne basqa da elderde bar, – dep jazdy Donald Tramp Truth Social áleýmettik jelisinde.
Sonymen qatar, Tramp AQSh azamattyq maqsattaǵy, ıaǵnı ýran baıytýmen baılanysty emes ıadrolyq nysandardyń damýyna qarsy emes ekenin málimdedi.
Buǵan deıin, 22 shildede AQSh-tyń Energetıka mınıstri Krıs Raıt pen Saýd Arabııasynyń Energetıka mınıstri hanzada Abdýlazız ben Salman Ál Saýd beıbit atom energetıkasyn damytý salasyndaǵy yntymaqtastyq týraly kelisimge qol qoıǵany habarlanǵan.
