Tramp Rojdestvoǵa deıin Gazadaǵy beıbitshilik protsesiniń II kezeńi bastalǵanyn jarııalamaqshy
ASTANA.KAZINFORM — AQSh prezıdenti jaqyn arada anklavty jańasha basqarý qurylymyn jarııalaıdy, dep habarlaıdy Axios.
Basylym beıbitshilik protsesiniń birinshi kezeńiniń negizgi elementteriniń biri — HAMAS kepilge alǵan barlyq adamdardy bosatý — aıaqtalýǵa jaqyn ekenin atap ótedi.
Protsestiń ekinshi kezeńi Izraıl kúshterin Gaza sektorynyń kóp bóliginen shyǵarýdy, halyqaralyq turaqtandyrý kúshterin ornalastyrýdy jáne Tramp basqaratyn Beıbitshilik keńesin qosa alǵanda, anklav úshin jańa basqarý qurylymyn qurýdy qamtıdy.
AQSh sheneýnikteriniń aıtýynsha, halyqaralyq kúshter men jańa basqarý qurylymyn qurý protsesi sońǵy kezeńde. Olardyń iske qosylýy eki-úsh apta ishinde júzege asyrylýy múmkin.
— Barlyq element jaqsy pysyqtaldy. Protsess alǵa jyljyp keledi. Maqsat — ony aldaǵy merekelerge deıin jarııalaý, — dep habarlady Axios.
Budan buryn AQSh prezıdenti Donald Tramp Gaza josparynyń ekinshi kezeńi jaqynda oryndalatynyn aıtqan edi.
Gaza sektorynyń ońtústiginde Izraıldiń áýe soqqysynan bes palestınalyq qaza tapty.