Tramp reıtıngi rekordtyq deńgeıde tómendedi
ASTANA. QazAqparat - AQSh prezıdenti Donald Tramptyń reıtıngi ınaýgratsııalanǵan sátten bastap, eń tómengi kórsetkishke deıin quldyrady.
Bul týraly Gallup kompanııasynyń kúndelikti saýalnamasynda habarlandy, dep jazdy Lenta.ru.
Saıası kóshbasshynyń jumysyn saýal salynǵandardyń 37 paıyzy qoldap, 58 paıyzy narazylyq bildirgen. 22 qańtar kúni alǵash ret derekter jınalǵanda, Tramp jumysy týraly amerıkalyqtardyń oń jáne teris pikirleri 45 paıyzdy qurap, teń túsken edi.
Aqpan aıynyń aıaǵynda NBC News jáne Wall Street Journal júrgizgen saýalnama nátıjesi boıynsha, turǵyndardyń 44 paıyzy Tramptyń prezıdent laýazymyndaǵy qyzmetine jaqsy baǵa berdi, 38 paıyzy narazy kúıinde qaldy. Amerıkalyqtardyń úshten bir paıyzy prezıdenttiń memleket basshysy retindegi mindetterin durys oryndamaı júr degen pikirde.
