Tramp respýblıkashyldar arasynda kósh bastap tur. Ony Baıden de moıyndady
AQSh-tyń burynǵy prezıdenti Donald Tramp prezıdenttikke úmitker respýblıkashyldar arasynda kósh bastap tur. Muny Aq úıdiń qazirgi basshysy Djo Baıden de moıyndady. Kazinform bul jaıynda Euronews-ke silteme jasap habarlaıdy.
Donald Tramp seısenbi kúni Nıý-Iorkte seksýaldy zorlyq-zombylyq pen jala jabý isi boıynsha jýrnalıske qosymsha ótemaqy tóleýge qatysty sot isine qatysýy kerek.
— Bul burynǵy prezıdent úshin rekord ornatqan senimdi jeńis boldy. Donald Tramptyń Aıova saılaýyndaǵy jeńisi onyń Respýblıkashyldar partııasyn baqylaıtynyn rastaıdy jáne 2024 jylǵy prezıdenttikke úmitkerlik oǵan tıesili bolýy ábden múmkin ekenin kórsetedi. Árıne, osy sátten bastap qarashadaǵy prezıdent saılaýyna deıin kóp nárse ózgerýi múmkin. Al Tramptyń jaǵdaıynda ony birneshe sot protsesi kútip tur, aqyr sońynda ol sot úkimi shyǵarylǵan qylmysker bolyp shyǵýy da múmkin, — deıdi Aıova shtatyndaǵy Euronews tilshisi Fılıp Kroýter.
Biraq bul Tramptyń qyzý jaqtastaryna kelesi aptada Nıý-Gempshırde bastalatyn kelesi praımerızde jeńiske jetýge serpin berýine kedergi keltirmedi.
Jeńis sózinde burynǵy prezıdent Ýkraınadaǵy soǵysty, Gazadaǵy soǵysty sheshýge jáne bir qyzyǵy qaıta saılanǵan jaǵdaıda demokrattarmen jumys isteýge ýáde berdi.
Onyń negizgi qarsylastary Ron DeSantıs pen Nıkkı Heılı óz nátıjesin oń baǵalady, biraq sońynda Tramptan áldeqaıda artta qaldy.
Looks like Donald Trump just won Iowa. He’s the clear front runner on the other side at this point.
— Joe Biden (@JoeBiden) January 16, 2024
But here’s the thing: this election was always going to be you and me vs. extreme MAGA Republicans. It was true yesterday and it’ll be true tomorrow.
So if you’re with us, chip…
