Tramp Reseı-Ýkraına qaqtyǵysynyń sebebin atady
ASTANA.KAZINFORM - Buǵan sebep retinde AQSh prezıdenti Donald Tramp Ýkraınanyń NATO-ǵa kirý nıetin atady, dep jazady TASS.
- Meniń oıymsha, soǵys Ýkraına NATO-ǵa kirýge nıet bildire bastaǵanda bastaldy. Eger bul másele kóterilmegende, soǵystyń bastalmaýy da múmkin edi, - dedi Tramp Time jýrnalyna bergen suhbatynda.
Buǵan deıin Reuters AQSh usynǵan beıbit kelisim jobasyn jarııalaǵan bolatyn. Onda «Ýkraına NATO-ǵa kirýge umtylmaıdy» delingen.
Buǵan deıin AQSh prezıdenti Donald Tramp jeksenbi kúni Reseı men Ýkraına bitimgershilik kelisimge «osy aptada-aq» qol jetkize alatynyn aıtqan.
Sársenbi kúni Londonda Ýkraına, Amerıka jáne eýropalyq delegatsııalardyń qatysýymen kelissózder ótip, onda AQSh-tyń beıbit retteý jónindegi usynystary talqylandy. Memlekettik hatshy Marko Rýbıo kelmegendikten, jıynnyń mártebesi aıtarlyqtaı tómendedi.