Tramp Reseı men Ýkraına arasyndaǵy beıbit kelisimge qol qoıýǵa shaqyrdy

ASTANA. KAZINFORM — AQSh prezıdenti Donald Tramp Reseı prezıdenti Vladımır Pýtınniń Ýkraınaǵa shabýyldaryn toqtatatynyna úmitti ekenin aıtty. Bul týraly Anadoly habarlady.

AQSh prezıdenti Tramp Aq úıde Norvegııa premer-mınıstri Ionas Garmen kezdesý barysynda Reseıge qatysty jýrnalıst suraǵyna jaýap berdi.

«Pýtın Ýkraınaǵa qarsy shabýyldaryn toqtatady dep senesiz be?» degen suraqqa Tramp «Iá, senemin» dep jaýap berdi.

Tramp Aq úıde Norvegııa premer-mınıstri Storemen túski as aldynda jýrnalısterge qysqasha málimdeme jasady.

Reseı men Ýkraına arasyndaǵy protsestiń kelisimmen aıaqtalýyna qatysty oıyn aıtty.

— Meniń bul máselege qatysty naqty merzimim bar, biz onyń tez júzege asqanyn qalaımyz, — dedi.

AQSh prezıdenti Tramp Truth Social áleýmettik medıaplatformasynda Kıevke jasalǵan shabýyl týraly habarlama jarııalady.

Reseıdiń Kıevke jasaǵan shabýylyna kóńili tolmaıtynyn aıtyp, Tramp «Vladımır, toqta. Aptasyna 5 myń sarbaz qaza taýyp jatyr» dep jazdy.

Prezıdent beıbit kelisimge qol qoıýǵa shaqyrdy.