Tramp: Reseı men Ýkraına 8 tamyzǵa deıin beıbit kelisimge kelýi tıis
ASTANA. KAZINFORM – AQSh prezıdenti Donald Tramp Reseı men Ýkraınanyń 8 tamyzǵa deıin beıbit kelisimge kelýi tıis dep sanaıdy. Bul týraly BUU janyndaǵy AQSh-tyń ýaqytsha ókili Djon Kellı Qaýipsizdik Keńesiniń Ýkraınaǵa arnalǵan otyrysynda málimdedi, dep jazady TASS.
– Reseı men Ýkraına atysty toqtatý jáne uzaqmerzimdi beıbitshilik ornatý jóninde kelisimge kelýi kerek. Kelisim jasaıtyn ýaqyt keldi. Prezıdent Tramp bul kelisim 8 tamyzǵa deıin júzege asýy tıis ekenin anyq bildirdi, – dedi ol.
Kellıdiń aıtýynsha, «AQSh beıbitshilikti qamtamasyz etý úshin qosymsha sharalar qoldanýǵa daıyn».
Buǵan deıin Donald Tramp Reseı men Ýkraına arasyndaǵy kelisimge 50 kúndik merzim belgilegenin, eger ýaǵdalastyqqa qol jetkizilmese, Máskeýge jáne onyń saýda áriptesterine 100 paıyzdyq saýda bajdaryn engizetinin aıtqan bolatyn.
Dúısenbi kúni ol Reseı men beıbit protsestegi ilgerileýshilikke kóńili tolmaıtynyn aıtyp, bul merzimdi 10-12 kúnge deıin qysqartatynyn málimdedi.
Reseı prezıdentiniń baspasóz hatshysy Dmıtrıı Peskov Aq úı basshysynyń málimdemesimen tanysqanyn jáne Kreml ony nazarǵa alǵanyn habarlady.