Tramp Reseı men Soltústik Koreıaǵa nelikten baj salyǵyn engizgen joq

ASTANA. KAZINFORM – AQSh ákimshiligi ımporttyq ónimderge baj salyǵyn engizetin elder tiziminde Reseı, Soltústik Koreıa jáne basqa da elder joq.

Aq úı Reseı, Belarýs, Kýba jáne KHDR-ǵa nelikten baj salmaǵanyn túsindirdi.

Baspasóz hatshy Kerolaın Lıvıtt sársenbide Axios-qa Reseıdiń tizimnen shyǵarylǵanyn, óıtkeni AQSh sanktsııalary «kez kelgen mańyzdy saýdany joıatynyn» habarlady.

- Alaıda AQSh áli de Tramptyń tiziminde bolǵan Mavrıkıı nemese Brýneı sııaqty eldermen salystyrǵanda Reseımen kóbirek saýda jasap júr, - dep jazdy Axios.

Tizimge tipti Tokelaý (halyq sany 1500 adam) jáne Shpıtsbergen (halqy 2500) sııaqty shalǵaı aral aýmaqtary – sáıkesinshe Jańa Zelandııa men Norvegııa aýmaqtary engizilgen. 

Lıvıtt atap ótkendeı, Kýba, Belarýs jáne Soltústik Koreıa da tizimge engizilgen joq, buǵan olarǵa qarsy qoldanystaǵy tarıfter men sanktsııalar tym joǵary bolýy sebep. 

Buǵan deıin Donald Tramp syrtqy saýda-ekonomıkalyq tájirıbe ulttyq tótenshe jaǵdaı týdyrǵanyn málimdep, AQSh ekonomıkasy men amerıkalyq jumysshylardy qorǵaý úshin jaýap tarıfterin engizý týraly jarlyq shyǵardy. 

Qazaqstan Respýblıkasy Saýda jáne ıntegratsııa mınıstrliginiń AQSh-tyń birqatar taýarǵa jańa kedendik bajdar engizýine qatysty málimdemesi jarııalandy. 

Álem kóshbasshylary Tramp engizgen tarıfterge qalaı qaraıtynyn jazǵan bolatynbyz.